09:21 / 12.04.2023
6965

O‘zbekistonda doimiy aholi soni har kuni o‘rtacha 2 ming kishiga oshyapti

2023 yilning 1 aprel holatiga respublikamizning doimiy aholisi 36 197 781 kishini tashkil etgan. 

Foto: Kun.uz

O‘zbekiston prezidenti huzuridagi Statistika agentligi ma’lumotlariga ko‘ra, respublika doimiy aholisi soni o‘tgan yilning mos davri bilan solishtirilganda 2,2 foizga oshgan.

Qayd etilishicha, mamlakat aholisi 2023 yil boshidan buyon 172,8 ming kishiga ko‘paygan.

Statistika agentligi xabariga ko‘ra, O‘zbekiston aholisi 2023 yilning har bir oyida o‘rtacha 57,6 ming kishiga oshgan.

2023 yilning har bir kunida doimiy aholi soni o‘rtacha 1,9 ming kishiga ko‘paymoqda.

Top