O‘zbekiston prezidentining Afg‘oniston bo‘yicha maxsus vakili Ismatulla Ergashev Fransiya Qurolli kuchlar vazirligining Yevropa, Shimoliy Amerika va ko‘p tomonlama harakatlar departamenti rahbari Giyom Ollane boshchiligidagi delegatsiya bilan uchrashdi.
Foto: Dunyo
TIV ma’lumotiga ko‘ra, muloqotda Afg‘onistondagi mavjud vaziyat, shuningdek, afg‘on inqirozini hal qilish yo‘llarini izlash yuzasidan fikr almashildi.
Giyom Ollane O‘zbekistonning Afg‘oniston bo‘yicha yaxlit pozitsiyani ishlab chiqishdagi roli, afg‘on aholisiga ko‘rsatilayotgan insonparvarlik yordami hajmini oshirish, shuningdek, ushbu mamlakatda yirik infratuzilma loyihalarini amalga oshirish borasidagi sa’y-harakatlarini yuqori baholadi.
