Qoidabuzarga chora ko‘rilgan, hujjatlar huquqni muhofaza qiluvchi organlarga taqdim etilgan.
Foto: Energetika vazirligi matbuot xizmati
Toshkent shahri, Mirzo Ulug‘bek tumanida joylashgan Navro‘z dehqon bozorida elektr energiyasidan noqonuniy foydalanish holati fosh etildi.
Energetika vazirligi xabariga ko‘ra, «O‘zenergoinspeksiya» va huquqni muhofaza qiluvchi organlar bilan birgalikda o‘tkazilgan nazorat tadbirida bozor ma’muriyati oylik hisobotlarda o‘lchov tizimidagi tok transformatorining haqiqiy koeffitsiyentini kamaytirib ko‘rsatgani ma’lum bo‘lgan. Oqibatda, elektr ta’minoti korxonasiga 1 mlrd so‘mdan ortiq zarar yetkazilgan.
Qoidabuzar iste’molchiga nisbatan belgilangan tartibda choralar ko‘rilgan, tegishli hujjatlar huquqni muhofaza qiluvchi organlarga taqdim etilgan.
