Qashqadaryodagi bozorda ommaviy janjal sodir bo‘ldi

Ijtimoiy tarmoqlarda Qashqadaryo viloyati G‘uzor tumanida sodir bo‘lgan ommaviy janjal tasvirlangan video tarqaldi. Viloyat IIB axborot xizmati holat bo‘yicha munosabat bildirdi.

Ma'lum bo‘lishicha, Qashqadaryo viloyati G‘uzor tumanida joylashgan qurilish mollari bozorida ommaviy janjal sodir bo‘lgan. Janjalda o‘nlab shaxslar ishtirok etgan. Viloyat IIB axborot xizmati hozirda holat yuzasidan o‘rganish olib borilayotganini ma'lum qildi.

«Ma'lum qilamizki, holat viloyat IIB ma'sul xodimlari tomonidan o‘rganilmoqda. Holat yuzasidan o‘rganish yakuni bilan qo‘shimcha axborot beriladi», deyiladi munosabatda.