OAV: KXDR xavfsizlik xizmatining 100ga yaqin xodimi maxsus reys bilan Xanoyga keldi

27-28 fevral kunlari bo‘lib o‘tadigan AQSh va KXDR rahbarlarining ikkinchi uchrashuvi arafasida KXDR xavfsizlik xizmatining 100ga yaqin xodimidan iborat guruh Air Koryo aviakompaniyasining maxsus reysi bilan Xanoy shahriga yetib keldi. Bu haqda Soha axborot portali xabar berdi.

Internet nashrning bildirishicha, Xanoydagi Noybay xalqaro aeroportiga qo‘ngan Il-76 samolyoti bortida xavfsizlik xizmati xodimlari guruhi, ikkita yo‘ltanlamas avtomobil, KXDR rahbari Kim Chen Inning tashrifi davomida foydalaniladigan maxsus qurilmalar bo‘lgan.

Guruh va avtomobillar Kim Chen In qarorgohi bo‘lishi kutilayotgan Melia mehmonxonasiga yo‘l olgan. Kim Chen Inning o‘zi esa Vetnam poytaxtiga Xitoy orqali zirhlangan poyezdda kelmoqda. Poyezd Pxenyan temir yo‘l vokzalidan 23 fevral kuni yo‘lga chiqqan.

Avvalroq AQSh prezidenti Donald Trampni Vetnamda KXDR yetakchisi Kim Chen In bilan uchrashuv vaqtida Amerika maxfiy xizmatining 200dan ortiq xodimi qo‘riqlashi xabar qilingandi.