Goldman Sachs инвестицион банки ўз ходимлари ҳамда ҳамкорларига АҚШдаги баъзи сайлов кампанияларини молиялаштиришни тақиқлаб қўйди, деб хабар бермоқда АҚШ ОАВ. Хусусан, гап АҚШ президенти лавозимига номзод Дональд Трамп сайловолди кампанияси ҳақида кетмоқда. 

Банкнинг 29 августдаги ички меморандумида "1 сентябрдан банкнинг барча ҳамкорларига сиёсий фаолиятда иштирок этиш, маҳаллий ҳукумат ва штат ҳукумати идораларига номзоди қўйилган сиёсатчилар ҳамда федерал идораларга номзоди қўйилган штатлар ҳукуматининг маҳаллий идоралари амалдорлари кампаниясига хайрия қилиш тақиқланади" дейилган. Бу қадам келажакда амалдорларга таъсир кўрсатишга уринишларнинг олдини олишга қаратилган. 

Fortune журналида маълум қилинишича, Goldman Sachs "банк ҳамкорлари бошқа қўллаб-қувватлашга ҳуқуқи йўқ бўлганлар мисоли сифатида Трамп ва унинг сафдоши Майкл Пенснинг кампаниясини алоҳида таъкидлаб ўтган". 

Шу билан бир вақтда банк меморандуми АҚШ президенти лавозимига бошқа бир номзод – Хиллари Клинтон фойдасига хайрия қилишни тақиқламайди.