Нью-Йоркда портлашдан кейин хавфсизлик чоралари кучайтирилди

Жаҳон 19 Сентябрь 2016 3319
Фото: EPA

Нью-Йорк ҳуқуқ-тартибот муассасалари кучлари шаҳарда содир этилган портлашдан кейин қўшимча минглаб ходимлар билан кучайтирилди. Полиция ва миллий гвардия кучлари шаҳардаги осойишталикни сақлаш, аҳоли ўзини хавфсиз ҳис қилиши учун барча ишни қилади, деб айтди Нью-Йорк штати губернатори Эндрю Куомо.

Куомо "қурбонлар бўлмаганидан бахтиёр бўлишимиз керак", деб айтди. 18 сентябрда портлаган бомба оқибатида 29 киши яраланди. Қўлбола портловчи қурилма кастрюл-скороваркадан фойдаланган ҳолда тайёрланган бўлган. Ҳозирча ушбу воқеа юзасидан ҳеч ким қўлга олинмаган.

"Биз буни қилганларни, хоҳ у якка, хоҳ бир гуруҳ одам бўлсин, албатта топамиз ва жавобгарликка тортамиз", деб айтди Куомо ҳамда ушбу воқеани теракт деб таснифлаш мумкинлиги ҳақида ҳеч нарса айтмади. Бу орада полициянинг хабар беришича, портлаш жойидан бир неча квартал узоқликда иккинчи бомба топилган. 

Чиқинди контейнерига қўйилган бомба Челси туманида, 6- ва 7-авенюлар орасидаги 23-кўчада портлаган. Бу ерда кўплаб ресторанлар, барлар, театрлар жойлашган.

Нью-Йорк мэри Билл де Блазионинг айтишича, портлаш атайлаб уюштирилган. 

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 47441 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 64081 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 34828 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 19841 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 75451 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 60359 Жамият
Ҳамза Жумаев телевидениега қайтди
18:38 1227 Жамият
АҚШ миллий разведкаси собиқ раҳбари: Трампнинг Финиксдаги чиқиши кишини қўрқитмоқда
18:33 393 Жаҳон
«Реал» Иско учун космик нарх белгилади
18:29 1615 Спорт
Хоразмда жиноятчиликка қарши ёшлар акцияси бўлиб ўтди
18:29 224 Жамият
Кўпроқ янгиликлар