Tailandda portlash yuz berdi

Tailandda bozorda sodir etilgan portlash oqibatida bir kishi halok bo‘ldi, yana 19 kishi yaralandi, deb xabar bermoqda Reuters axborot agentligi. 

Ta'kidlanishicha, hujum Pattani shahrida amalga oshirilgan.

"Portlovchi qurilma lag‘mon sotiladigan rasta yonida harakatga keltirilgan. Portlash oqibatida bir ayol halok bo‘lgan. Ayni vaqtda hudud ko‘zdan kechirilmoqda", deb ma'lum qilingan politsiyada.

12 avgustda Tailandning Xuaxin, Suratxani viloyatlari va Pxuket kurortida portlashlar sodir etilgandi. Bundan oldingi kun esa Xuaxin kurortida ikkita portlash sodir etilgan. Oqibatda 4 kishi halok bo‘lgan.