Россия ҳарбий кемаларига рухсат берган Испания танқид қилинмоқда

Жаҳон 26 Октябрь 2016 10130
Фото: The Guardian

НАТО аъзоси ҳисобланувчи Испаниянинг Россия ҳарбий кемалари гуруҳини ўз портига киритгани ғарб сиёсатчилари ва ҳарбийларининг кескин норозилигини келтириб чиқарди. Россия Шимолий денгиз флотига тегишли ҳарбий кемалари ёқилғи қуйиб олиш ва озиқ-овқат ғамлаш мақсадида Испания портига кирган, деб хабар қилмоқда Британиянинг The Guardian газетаси.

Маълум бўлишича, Россия ҲДФнинг Ўрта ер денгизига йўл олаётган "Адмирал Кузнецов" авиаташувчи крейсери етакчилигидаги авиация гуруҳи Гибралтар бўғозидан ўтгач, Испаниянинг Сеута портига кирган. 

НАТО бош котиби Йенс Столтенберг Россия ушбу кемаларни Ҳалабдаги фуқаролик иншоотларига ҳаво зарбалари беришни кучайтиришда қўллашидан "ташвиш" билдирган эди. 

Унинг қўшимча қилишича, альянснинг ҳар бир мамлакати "бу каби кемаларнинг Ўрта ер денгизи шарқига боришда захираларни тўлдириб олиш ва ёқилғи қуйиб олиш учун портларга киритишни мустақил ҳал этишлари лозим".

Буюк Британия собиқ мудофаа вазири Жеральд Ҳовард Испаниянинг рухсат берганини "умуман кераксиз" қарор деб атаган бўлса, Британия қироллик ҲДК собиқ қўмондони лорд Алан Уэстнинг фикрича, "Россияга санкциялар жорий қилинган бир вақтда НАТО иттифоқчисининг бу қилмиши номақбулдир".

Британия ТИВ вакилининг баёнот беришича, "портга киритишга рухсат бериш Испания ҳукумати қароридир. Аммо, расмий Лондон маъмурияти Испания раҳбариятига Россия кемаларига меҳмондўстлик қилиш борасида ўз ташвишини билдирган. Чунки, барча Россиянинг ҳарбий фаоллигидан хавотирда".

Бельгиянинг собиқ бош вазири, айни вақтда Британиянинг ЕИ таркибидан чиқиши бўйича музокараларда Иттифоқ вакили бўлган Ги Верховстадт Испания қарорини "зиддиятли" дея баҳолаган.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 31916 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 69336 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 9495 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 131812 Жамият
Ҳиндистондаги темир йўл фалокати қурбонлари сони 20 кишига етди
21:58 17 Жаҳон
Испания Франция билан чегарасида назоратни кучайтиради
21:53 22 Жаҳон
АПЛ. «Ливерпуль» қийин ғалабани қўлга киритди, 
21:50 237 Спорт
Олий лига. Бир дербида дуранг, бошқасида йирик ҳисоб, «Қизилқум» етакчилардан бирини енгди
21:35 751 Спорт
Ўзбекистондаги Police мотоцикл гуруҳлари​ фаолиятига ойдинлик киритилди
Рио-2016​ олимпиадасидан бир йил ўтди. Шаҳар бугун ачинарли ҳолатда
21:15 4384 Спорт
Кўпроқ янгиликлар