Германияга келаётган турк қочқинлари сони уч бараварга ошди

Жаҳон 26 Декабрь 2016 7266
Фото: Google image

Германия ҳукумати Туркиянинг қочқин мақомини олиш бўйича мурожаат қилган фуқаролари миқдори ўтган йил билан таққослаганда уч бараварга ортганини маълум қилди. Бу ҳақда Der Spiegel журнали федерал ҳукумат маълумотларига асосан хабар бермоқда.

Германияда 2015 йил давомида 1,8 минг турк фуқаролари бошпана сўрашган бўлса, жорий йилнинг январь-ноябрь ойларида бундай инсонлар сони 5,2 мингни ташкил қилди. Уларнинг 4 мингдан ортиқроғи (тахминан 80 фоизи) курдлардир. Туркия ҳукумати сўнгги вақтларда мамлакатда тақиқланган Курдистон ишчи партияси билан курашни фаоллаштириб, парламентдаги курдларга алоқадор бўлган халқлар демократияси Партияси етакчиларини ҳибсга олди. "Анқара курдлар билан тўхтовсиз кураш олиб бормоқда", - дея Сўллар партиясининг (СП) Бундестагдаги депутати Улла Йельпкенинг сўзларини келтиради нашр. Айнан СП келаётган турк қочқинлари ҳақида маълумот йиғишга ташаббус кўрсатди.

Германиялик мутахассисларнинг фикрича, бу кўрсаткичнинг кескин ортиши 15 июлда рўй берган исённинг бостирилиши билан боғлиқ. "Туркия – бу хавфсиз ва қочқинлар бошпана топа оладиган мамлакат эмас", - дея маълум қилди Йельпке. Шу билан бир қаторда, республика ҳудудида ЕИ билан келишувга кўра, айни дамда суриялик 3 миллионга яқин қочқинлар бор.

Аввалроқ, НАТОнинг Германиянинг Рамштайн шаҳридаги авиабазасида хизмат қилувчи турк армиясининг бир неча ўнлаб ҳарбий хизматчилари ГФРда сиёсий бошпана олиш бўйича мурожаат билан чиқишганди. Уларнинг сўзларига кўра, бунга ватанларидаги сиёсий вазият сабаб бўлган. Туркияда исёндан сўнг 7,5 минг киши ҳибсга олинди – 6 мингдан ортиқ ҳарбий хизматчи, шунингдек полициячилар, судьялар ва прокурорлар.

Шунингдек, бир неча турк дипломатлари ҳам 7 октябрь куни ГФРдан бошпана сўрашгани маълум бўлди. Улар давлат тўнтаришига уриниш сабаб таъқиб қилинишларидан хавотирда.

 

Кун янгиликлари
Соч тўкилиши нега ёшариб кетмоқда – мутахассис жавоб беради
10:01 58925 Жамият
Олти йил фалажликда: фарғоналик она қисмати аслида қандай бўлган эди?
15:46 / 15.08.2017 67808 Жамият
Президентнинг тўйлар ҳақидаги сўзлари яна нотўғри талқин қилинди
15:15 / 15.08.2017 165856 Жамият
Тошкентдаги янги халқаро мактаб ва болалар боғчасига қабул эълон қилинди
11:17 / 15.08.2017 29041 Жамият
Кун.uz офис изламоқда
15:48 / 06.08.2017 35754 Lifestyle
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:41 77 Жаҳон
Фото: Тошкентда Ислом Каримов ҳайкали ўрнатилди
Филиппинда оғуфурушларга қарши рейдлар давомида 30 дан кўпроқ жиноятчи йўқ қилинди
20:05 288 Жаҳон
Владимир Кличко барча замонларнинг энг яхши боксчилари йигирматалигига кирди
19:55 1592 Спорт
Тожикистонлик мактаб ўқувчиларига ҳижоб ва соқол тақиқланди
19:50 1535 Жаҳон
Кўпроқ янгиликлар