Икки қизини ўлдирган қирғизистонлик аёл 20 йилга озодликдан маҳрум этилди

Жамият 06 Январь 2017 15805

Қирғизистоннинг Қўчқор туман суди икки нафар норасида қизини ўлдирган 30 ёшли бадбахт онани 20 йилга озодликдан маҳрум қилди.

Маҳаллий Turmush нашрининг Норин вилоят судига иқтибос келтирган ҳолда маълум қилишича, 28 декабрда суд Чекилдек қишлоғида яшаган К.А. исмли қотил онанинг ишини кўриб чиққан. Аёл "Қотиллик" моддаси бўйича айбдор деб топилган.

Аёл 2016 йил 16 октябрдан ҳибсда ушлаб турилган. Терговнинг аниқлашича, у 15 октябрда иккинчи турмуш ўртоғи бошқа аёлга уйланмоқчи эканлигини билиб, у билан жанжаллашиб қолган. Низодан кейин аёл ошхонага кириб, у ерда бўлган, 2008 йилда туғилган қизининг бошига целлофан пакет кийгазиб, уни бўға бошлаган. Қизчанинг йиғиси ҳам бераҳм онани тўхтатмаган. Сўнгра у 2014 йилда туғилган иккинчи қизини ҳам худди шундай йўл билан ўлдирган.

Суд жараёнида айбланувчи ўз айбини тўлиқ тан олган ва турмуш ўртоғи бошқа аёлга уйланмоқчилигидан дарғазаб ҳолда бўлганини айтган.

Аёл дастлаб қизлари шамоллаб қолиб, уларга дори ичиргани, эрталаб эса уйғонишмаганини айтган. Бироқ тергов доирасида ўтказилган экспертизада қизлар бўғилишдан ҳалок бўлганлари аниқланган. Қизларни қотил аёлнинг укаси эрталаб жонсиз ҳолда аниқлаган. Аёл тергов давомида қотиллигини охирги маҳал ўз ўлимини сезаётгани ва унинг қизлари ундан кейин бировга тобе бўлмасликларини истагани билан тушунтирган. 

 

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34342 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 72622 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10606 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 136911 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 260 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 1105 Жамият
Виталий Денисов футболга қайтганидан хурсанд
02:29 602 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 795 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Кўпроқ янгиликлар