Европа Иттифоқи Facebook, Google ва Twitter’ни жаримага тортиши мумкин

Технология 17 Март 2017 3039

Европа Иттифоқи Facebook, Google ва Twitter компанияларига ўз хизматларини Европанинг истеъмолчилар ҳуқуқларини ҳимоя қилиш қонунчилигига мос ҳолга келтириш учун бир ой муҳлат берди. Акс ҳолда компаниялар жаримага тортилади, деб хабар бермоқда вазиятдан хабардор бўлган манбага иқтибос келтирган ҳолда Reuters ахборот агентлиги.   

Ахборот агентлиги маълумотларига кўра, 2016 йил декабрда ЕИ ҳукумати ушбу компанияларга улар кўрсатаётган хизматларнинг баъзи шартлари Европанинг истеъмолчилар ҳуқуқларини ҳимоя қилиш қонунчилигига зид келиши ҳақида огоҳлантириш юборган.

Мисол учун, ЕИ фойдаланувчилар ушбу ижтимоий тармоқлар билан юзага келган бирор масала юзасидан ўз давлатларидаги судларга мурожаат қила олмай, бу мақсадда бу компаниялар офислари жойлашган Калифорнияга боришга мажбур эканликларини танқид остига олган.

Шунингдек, ЕИда ижтимоий тармоқлар ҳомийлик контентини аниқ белгиламасликлари ва фойдаланувчилардан шартномани бекор қилиш каби ҳуқуқларидан воз кечишни талаб қилишларига қарши чиқилди. Бундан ташқари, компанияларнинг ўз нуқтаи назаридан келиб чиқиб, фойдаланувчилар томондан яратилган контентнинг яроқлилик даражасини ҳал қилиши ҳам танқид қилинган.  Google билан боғлиқ ҳолда унинг Google+ ижтимоий тармоғи хавотир уйғотган. Компанияларнинг ўзлари ҳозирча бу танқидларга изоҳ бермаганлар. 

Маълумотлара кўра, компаниялар вакиллари ушбу муаммоларни ҳал қилишнинг баъзи йўлларини таклиф қилишган ва Европа ҳукумати билан буни 16 март куни муҳокама қилишган.  

Ахборот агентлигининг таъкидлашича, Еврокомиссия юқоридаги чораларни қўллаб-қувватламоқда ва агар талаблар бажарилмаса, жарима солиши мумкин.  

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 44785 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 62073 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 34206 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 19362 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 74002 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 59955 Жамият
Лотереяда фирибгарлик қилган дастурчи 25 йилга қамалди
Навоий вилоятида қўшмачи эркак қўлга олинди
16:45 1749 Жамият
Маъмурий ислоҳотлар Концепцияси лойиҳаси жамоатчилик муҳокамасига қўйилди
«Made in Uzbekistan» бренди Тожикистон бозоридан Хитой маҳсулотларини сиқиб чиқармоқда
Кўпроқ янгиликлар