Egri yo‘ldagi ota-bolalar qo‘lga olindi

Fuqaro R.Normatov (ism-familiyalar o‘zgartirilgan) muqaddam jinoyat sodir etganligi uchun bir necha marotaba sudlangan bo‘lsa-da, bundan o‘ziga tegishli xulosa chiqarmagan ekan, deb yozadi “Huquq” gazetasi.

U mo‘may daromad topish ilinjida yana jinoyatga qo‘l urdi. Jinoiy sheriklari esa farzandlari – Husan va Botir Sanginovlar edi.

Denov shahrida o‘tkazilgan tezkor tadbirda R.Normatov farzandlari bilan o‘tgan yilning mart oyida qonunga xilof ravishda AQSh dollari sotib olayotgan vaqtda qo‘lga olindi. Ulardan 4511 AQSh dollari, 8600 Rossiya rubli, Xitoy yuani va 13 mln. 992 ming so‘m pul ashyoviy dalil tariqasida hujjatlashtirib olindi.

Sud hukmiga ko‘ra ota-bolalarga jazo muqarrarligini ta'minlandi.