Foto: Prezident matbuot xizmati
Avval xabar berilganidek, Prezident Shavkat Mirziyoyev Sirdaryo viloyatiga tashrifi davomida Sardoba suv ombori bilan tanishdi.
Shavkat Mirziyoyev tashabbusi bilan 2010 yilda Janubiy Mirzacho‘l kanalining markaziy tarmog‘i oqib o‘tgan hududda suv ombori bunyod etila boshlangan edi.
Joriy yilda qurilishi yakunlanadigan gidroinshootda 922 million kub metr suv to‘planadi. Bu Sirdaryo va Jizzax viloyatlaridagi unumdor yerlardan foydalanish, qishloq xo‘jaligi ekinlari hosildorligini oshirish imkonini beradi.
