Video: Poroshenko “Sharmanda” deb hayqirgan kishilardan qochib qoldi

Internetda Ukraina prezidenti Pyotr Poroshenko "Bikovnyan qabrlari" Milliy tarixiy-memorial majmuasi hududini olomon hushtakbozligi ostida tark etayotgani tasvirlangan video paydo bo‘ldi. Kishilar unga “Sharmanda!”, deya hayqirishgan.

Ukraina rahbari Kiyev yaqinidagi memorial majmuaga mamlakatda har yili 21 may kuni nishonlanadigan siyosiy qatag‘onlar qurbonlari xotirasi Kuni sabab tashrif buyurdi, deb xabar bermoqda "Gromadske radio". Shuningdek, u nutq so‘zlab, “tanasining har bir hujayrasi bilan natsistlar va Stalin rejimining bir-biriga o‘xshashligini his etishini” ma'lum qildi.

Biroq, Poroshenko ketishga tayyorgarlik ko‘ra boshlaganda, uni bir necha o‘nlab kishilar o‘rab olib, savollar bera boshlashdi. Fuqarolar Poroshenkodan nima uchun “Yevropaning eng qashshoq davlatida prezident shu qadar boy” ekanini so‘rashgan. Ular shuningdek “sudyalar o‘g‘irlik qilmasligi uchun ular ustidan nazoratni kuchaytirishni” ham talab qilishgan. Poroshenko savollarga javob berishni istamadi va majmua hududini rafiqasi bilan birga tark etdi.

Shu bilan birga, kishilar uning ortidan “Sharmanda!”, “Yolg‘on-yashiq!” va “Iste'foga!”, deb qichqirishgan.