Буркина-Фасодаги олтин конида юз берган кўчки оқибатида саккиз киши ҳалок бўлди, деб хабар бермоқда The News International.

Гого коммунаси ҳокими Бернар Буд ҳодиса рўй берган жойга етиб келган. Унинг аниқлик киритишича, яна беш инсон жароҳат олган.

Кўчкига минтақада сўнгги бир неча кун давомида кузатилган кучли ёмғирлар сабаб бўлган. Улар тўғонни ювиб юборган.

Аввалроқ Швейцария Альпларида кўчки сабабли 14 киши бедарак йўқолгани хабар берилганди.