Илгизар Собиров Хоразм вилоятининг янги раҳбари этиб тайинланди. Унинг Хоразм вилояти ҳокими вазифасини бажарувчи этиб тайинлангани ҳақида президент матбуот хизмати сайтида хабар қилинган.

У бу лавозимида бугун президент фармони билан Ўзбекистон ички ишлар вазири этиб тайинланган Пўлат Раззақович Бобожонов ўрнини эгаллади.

1959 йилда туғилган Илгизар Собиров 2003—2005 йилларда Хоразм вилояти Қўшкўпир туманига ҳокимлик қилган. 2005 йили Олий Мажлис Сенатига сайланган. 2006—2015 йилларда Ўзбекистон Олий Мажлиси Сенати раиси сифатида фаолият кўрсатган.