«Barselona» hujumkor yarimhimoyachisi Usmon Dembele yana jarohat olib safdan chiqdi. Bu haqda Sport.es nashri xabar tarqatdi.
Manba bergan xabarga ko‘ra, 20 yoshli futbolchining son qismi jarohat olgan va endi uning tiklanishi uchun 3 haftadan 4 haftagacha muddat talab qilinadi.
3,5 oy davomida maydonga tusha olmagan futbolchi 4 yanvar kuni Ispaniya kubogining 1/8 final bosqichi doirasidagi «Selta»ga qarshi uchrashuvda (1:1) ilk marta maydonga tushgandi. «Real Sosedad»ga qarshi Ispaniya chempionatining navbatdagi tur uchrashuvida (4:2) u 25 daqiqa harakat qilib, yana jarohat oldi.
Joriy mavsumda Usmon Dembele La Liga doirasidagi bor-yo‘g‘i to‘rt uchrashuvda maydonga tusha oldi. Avgustda «Barselona» uning transferi uchun «Borussiya»ga 105 mln yevro to‘lagandi.
