Qoʻshimcha funksionallar
-
Tungi ko‘rinish
Abdusalom Azizov AQSh generali Jozef Votell bilan uchrashdi
12 may kuni O‘zbekiston Respublikasi mudofaa vaziri general-mayor Abdusalom Azizov Amerika Qo‘shma Shtatlari qurolli kuchlari Markaziy qo‘mondonlik qo‘mondoni general Jozef Votell boshchiligidagi harbiy delegatsiyani qabul qildi. Bu haqda KUN.UZ’ga Mudofaa vazirligi axborot xizmati xabar berdi.
Uchrashuvda mudofaa sohasidagi ikki tomonlama hamkorlikning bugungi holati muhokama qilinib, harbiy ta'lim va mudofaa sohalarida istiqboldagi rejalar belgilab olindi. O‘zaro manfaatli hamkorliklarni kuchaytirish borasida fikrlar almashildi.
Suhbatda mamlakatlar o‘rtasida harbiy sohada hamkorlik yo‘nalishlarida o‘sish sur'atlari ortib borayotgani alohida ta'kidlandi.
Ta'kidlash kerakki, harbiy ilm-fan markaziga aylangan O‘zbekiston Qurolli Kuchlar akademiyasida AQSh harbiy mutaxassislari tomonidan seminar-trening mashg‘ulotlari hamda soha bo‘yicha tajriba almashinuvi yo‘lga qo‘yilgan.
Uchrashuvda AQShning O‘zbekistondagi elchisi Pamela Spratlen ham ishtirok etdi.
13 may kuni AQSh harbiy delegatsiyasi Samarqand shahrining tarixiy va madaniy merosi bilan yaqindan tanishishi rejalashtirilgan.
Mavzuga oid
11:59
O‘zbekiston JSTga a’zo bo‘lish doirasida AQSh bilan bayonnoma imzoladi
11:30 / 21.12.2024
Qo‘rqmas jangchi – Saddam Husaynning nabirasi amerikalik askarlarga qarshi qanday jang qilgandi?
19:29 / 20.12.2024
Reuters: Bayden administratsiyasi Ukrainaga oxirgi harbiy yordam paketini e’lon qilishga tayyorlanmoqda
14:30 / 20.12.2024