O‘zbekiston va Hindiston hukumatlari o‘rtasidagi bitim kuchga kirdi

2019 yilning 4 aprel kuni O‘zbekiston Respublikasi hukumati bilan Hindiston Respublikasi hukumati o‘rtasida diplomatik pasport egalarini viza talabidan ozod etish to‘g‘risidagi Bitim kuchga kirdi. Hujjat Dehli shahrida 2018 yil 1 oktabr kuni imzolangan edi.

TIV xabariga ko‘ra, hujjatga binoan diplomatik pasportga ega O‘zbekiston Respublikasi va Hindiston Respublikasi fuqarolari ikki tomon hududlariga viza rasmiylashtirmasdan 60 kungacha kirish, chiqish va unda bo‘lish huquqiga egadirlar.

Bitim diplomatik pasportga ega bo‘lgan ikki davlat rasmiy vakillarining o‘zaro safarlari chog‘ida tashkiliy masalalarni tezda hal qilish imkonini beradi.

Bundan oldin, Toshkentda hind tili chuqurlashtirib o‘qitiladigan maktab tashkil etilishi xabar qilingandi.