Markaziy saylov komissiyasi O‘zbekiston Prezidenti saylovida muddatidan oldin ovoz berish natijalari to‘g‘risidagi axborotni e’lon qildi.
MSK ma’lumotiga ko‘ra, 1 iyul holatida jami 376 623 nafar saylovchilar mamlakatda va xorijda muddatidan oldin ovoz berish huquqlaridan foydalandi.
Shundan mamlakat hududida 275 592 nafar va xorijda 101 031 nafar saylovchi ovoz berdi.
Muddatidan oldin ovoz berish jarayoni joriy yil 5 iyulga qadar davom etadi.
O‘zbekistonning xorijdagi diplomatik va boshqa vakolatxonalari huzurida 56 ta saylov uchastkasi tashkil etilgan.
