Rossiya aviakompaniyalariga O‘zbekistonga muntazam parvozlarni amalga oshirishga ruxsat berildi
Rosaviatsiya vakilining ta'kidlashicha, bu aviaqatnovlar tiklanganini anglatmaydi.

Foto: KUN.UZ
Rossiya aviakompaniyalari O‘zbekistonga muntazam parvozlarni amalga oshirishga ruxsat oldi. Bu haqda Rosaviatsiyaning tegishli buyrug‘i e'lon qilindi.
Ro‘yxatdan qatnovlar hozircha tiklanmagan mamlakatlar ham o‘rin olgan.
Ma'lum qilinishicha, aviakompaniyalar ochiq mamlakatlar: Belarus, Buyuk Britaniya, Misr, Qozog‘iston, Qirg‘iziston, Maldiv orollari, BAA, Turkiya va Tanzaniyaga parvozlar uchun ruxsat oldi. Parvozga ruxsat berilgan yopiq mamlakatlar esa Armaniston, Germaniya, Gretsiya, Isroil, Ispaniya, Italiya, Kipr, Xitoy, Malta, Niderlandiya, Ozarboyjon, Saudiya Arabistoni, Turkmaniston, Chexiya, O‘zbekiston.
Rosaviatsiya vakilining ta'kidlashicha, ushbu hujjat aviaqatnovlar tiklanganini anglatmaydi.
"Ruxsat – bu aviakompaniyaning parvozlarni tiklashda foydalana olishi mumkin bo‘lgan huquqi", — dedi u.
Rossiya mart oxirlarida boshqa mamlakatlar bilan muntazam va charter aviaqatnovlarni to‘xtatgandi. Keyinroq cheklovlar bosqichma-bosqich olina boshlandi.
Avvalroq, Uzbekistan Airways aviakompaniyasi Istanbul, Bishkek va Dubayga parvozlar sonini oshirayotgani xabar qilingandi.
Mavzuga oid

15:05 / 22.02.2025
Rossiyalik dezertir kasalxonaga yotqizilgan harbiylar haqidagi ma’lumotni oshkor qildi

08:50 / 21.02.2025
Wizz Air O‘zbekiston hududida qo‘shma aviakompaniya tashkil etishi mumkin

18:05 / 06.02.2025
“Ijodkor” firibgarlar: bunaqalari kinolarda ham uchramaydi

15:48 / 03.02.2025