Andijondagi «Sayyid Muhyiddin Maxdum» madrasasiga qabul imtihonlari o‘tkazildi

16 sentabr kuni Andijondagi «Barkamol avlod» sport majmuasida «Sayyid Muhyiddin Maxdum» o‘rta maxsus islom ta'lim muassasasiga sinovlar o‘tkazildi.

«Muassasa joriy o‘quv yilida 30 nafar o‘quvchi qabul qiladi. Imtihonlarda ro‘yxatdan o‘tgan 836 nafar abituriyentdan 70 nafari turli sabablarga ko‘ra ishtirok eta olmadi. Taqiqlangan narsalar olib kirgan abituriyentlar uchramagani sabab sinovlardan chetlashtirilganlar bo‘lmadi», – deydi madrasa mudiri Rustamjon Mahmudov.

«Sayyid Muhiyddin maxdum» madrasasiga 1992 yilda asos solingan. O‘tgan 28 yil davomida bilim dargohini bitirgan ming nafarga yaqin talabalar yurtimizdagi masjid va madrasalarda faoliyat olib borishmoqda.