Yevropadagi g‘orda dunyodagi eng katta o‘rgimchak to‘ri topildi

Gretsiya va Albaniya chegarasida, Oltingugurt g‘orining chuqur qismida 106 kvadrat metr maydonni egallagan ulkan to‘r yoyilgan bo‘lib, u dunyodagi eng katta o‘rgimchak to‘ri sifatida e’tirof etildi. Uni ikki turga mansub - Tegenaria domestica va Prinerigone vagans - 111 mingdan ortiq o‘rgimchaklar qurgan.

Foto: Marek Audy

Ruminiyadagi Sapiyentiya — Transilvaniya Vengr universiteti tadqiqotchilariga ko‘ra, bu ushbu ikki keng tarqalgan tur uchun “koloniyaviy xulq-atvor”ning ilk hujjatlashtirilgan holatidir.

Har ikki tur odatda inson yashaydigan joylar yaqinida tez-tez uchraydi. Biroq shu ikki turning bir ulkan to‘r ichida, bunchalik yuqori zichlikda birga yashashi va hamkorlik qilishi noodatiy holat hisoblanadi.

Oddiyda Tegenaria domestica Prinerigone vagans’ni ovlaydi. Biroq, tadqiqotchilar taxminicha, g‘orda yorug‘likning yo‘qligi o‘rgimchaklar ko‘rish qobiliyatini susaytirib, ularning odatiy o‘lja qidirish instinktlarini izdan chiqaradi va birga yashashga imkon beradi.