Европадаги ғорда дунёдаги энг катта ўргимчак тўри топилди

Греция ва Албания чегарасида, Олтингугурт ғорининг чуқур қисмида 106 квадрат метр майдонни эгаллаган улкан тўр ёйилган бўлиб, у дунёдаги энг катта ўргимчак тўри сифатида эътироф этилди. Уни икки турга мансуб — Tegenaria domestica ва Prinerigone vagans — 111 мингдан ортиқ ўргимчаклар қурган.

Фото: Marek Audy

Руминиядаги Сапиентия — Трансилвания Венгр университети тадқиқотчиларига кўра, бу ушбу икки кенг тарқалган тур учун “колониявий хулқ-атвор”нинг илк ҳужжатлаштирилган ҳолатидир.

Ҳар икки тур одатда инсон яшайдиган жойлар яқинида тез-тез учрайди. Бироқ шу икки турнинг бир улкан тўр ичида, бунчалик юқори зичликда бирга яшаши ва ҳамкорлик қилиши ноодатий ҳолат ҳисобланади.

Оддийда Tegenaria domestica Prinerigone vagans’ни овлайди. Бироқ, тадқиқотчилар тахминича, ғорда ёруғликнинг йўқлиги ўргимчаклар кўриш қобилиятини сусайтириб, уларнинг одатий ўлжа қидириш инстинктларини издан чиқаради ва бирга яшашга имкон беради.