Qashqadaryoda MIB tomonidan qidiruvda bo‘lgan 328 nafar shaxs topilgani ma'lum qilindi

Qashqadaryoda Majburiy ijro byurosi tomonidan qidiruvda bo‘lgan 328 nafar shaxs topilgan. Yana 218 nafari qidirilmoqda. Bu haqda MIB viloyat boshqarmasi axborot xizmati xabar bermoqda.

Ma'lum qilinishicha, Majburiy ijro byurosi Qashqadaryo viloyat boshqarmasining Qidiruv sho‘'basi 10 oy mobaynida davlat ijrochilari tomonidan qidiruv e'lon qilingan 328 nafar qarzdorni topgan. Ulardan 588 million so‘m pul mablag‘lari undirilib, qarzdorlikni to‘lamagan shaxslar tegishli tartibda javobgarlikka tortilgan.

Shuningdek, qarzdorlarga tegishli qidiruvdagi mol-mulklarning 286 tasi topilib, ulardan 34 milliard 502 million so‘m pul mablag‘lari undirilishi ta'minlangan.

Qayd etilishicha, ayni damda MIB viloyat boshqarmasi tomonidan 218 nafar qarzdor shaxs va qarzdorlarga tegishli 78 ta mol-mulk qidirilmoqda.

Qashqadaryoda qarzdorligi tufayli 360 nafar shaxs va 324ta transport vositasiga qidiruv e'lon qilingan

Samarqand viloyatida qarzdorligi tufayli 117 kishi va 61ta transport vositasiga qidiruv e'lon qilingan

Tayyorlagan: Ғайрат Йўлдошев

#Qashqadaryo #MIB #qidiruvdagi shaxs