“Ipak yo‘li” turizm xalqaro universiteti talabasi bo‘lishga shoshiling va vaqtingizni boy bermang!

“Ipak yo‘li” turizm xalqaro universiteti magistratura va masofaviy ta’limning quyidagi mutaxassisliklari bo‘yicha hujjatlarni qabul qilish 20 avgustga qadar davom etishini ma’lum qiladi. Hujjatlar qabuli universitetning rasmiy sayti https://admissions.univ-silkroad.uz/index.php orqali amalga oshiriladi.

Magistratura mutaxassisliklari (ta’lim ingliz tilida):

• Ziyorat turizmi
• Turizmda transport logistikasi
• Muzeyshunoslik
• Madaniy, tabiiy va aralash meros obektlarini boshqarish

Magistratura talabalari uchun har bir yo‘nalish bo‘yicha o‘qish uchun 4 ta davlat granti ajratilgan.

Masofaviy ta’lim yo‘nalishlari (o‘qitish tili – o‘zbek-rus tili):

Turizmni boshqarish

Yo‘nalishlar bo‘yicha turizm

Magistratura uchun kirish imtihonlari masalalari universitetning rasmiy veb-saytida ochilgan kirish qismida chop etiladi.

Eslatib o‘tamiz: “Ipak yo‘li” turizm xalqaro universitetida ta’lim ingliz tilida olib borilib, o‘qishga kirish uchun IELTS (6,5 dan yuqori),TOEFL (79 balldan yuqori), CEFR (B2 darajasidan yuqori) sertifikati talab qilinadi. Hozirda muayyan sertifikatga ega bo‘lmagan abituriyentlarga talabalar safiga qabul qilinishi uchun sertifikatni 1 oktyabrgacha taqdim etish imkoni beriladi.

Agar abituriyent 2021 yil 20 avgustdan 1 oktyabrgacha bo‘lgan muddatda ingliz tilini bilish darajasi bo‘yicha milliy yoki xalqaro sertifikat bo‘yicha imtihonlarni topshirib, tegishli ball to‘plagan bo‘lsa, mazkur abituriyentlarning til bo‘yicha imtihon topshirish xarajatlari universitet tomonidan qoplab beriladi.

Ta’lim tili ingliz tilida olib boriladigan xorijiy oliy ta’lim muassasalari, shu jumladan ta’lim tili ingliz tilida olib boriladigan mamlakatimizdagi nodavlat va xususiy oliy ta’lim muassasalarining bitiruvchilari universitetning magistratura mutaxassisliklariga ro‘yxatdan o‘tishda ingliz tilini bilish darajasi bo‘yicha milliy yoki xalqaro sertifikat talab etilmaydi.

Qo‘shimcha ma’lumotlar uchun universitet rasmiy sayti yoki quyidagi raqamlarga murojaat qilishingiz mumkin:

+998979110121 (Telegram, WhatsApp)

+998933483380

+998906010018

+998662406770

+998662408616

+998662408606

+998662406786

“Ipak yo‘li” turizm xalqaro universiteti Ⓣ