Maktab elektron kundaligi qancha turadi: 20 000 yoki 8600 so‘m?

Ushbu masala yuzasidan Xalq ta'limi vazirligiga murojaat qildik. Vazirlik matbuot kotibi Laylo Rustamovaning ma'lum qilishicha, elektron kundalik uchun rasmiy belgilangan to‘lov – bir o‘quvchi uchun bir kalendar yilga (365 kunga) 8 600 so‘m. 

Elektron kundalikka qo‘shimcha Kundalik.Family ilovasi ham ishlab chiqilgan bo‘lib, u ota-onalar va o‘quvchilar uchun mo‘ljallangan. U yerga Kundalik saytida ro‘yxatdan o‘tgan login va parol orqali kiriladi. O‘quvchi kundaligi uchun bir yillik to‘lov – 8600 so‘m to‘langan bo‘lsa, Kundalik.Family ilovacida barcha ma'lumotlar ochiladi va ko‘rinib turadi. Ilova barcha foydalanuvchilar uchun 30.11.2021 yilgacha bepul taqdim etilgan va u uchun alohida to‘lov o‘tkazish talab etilmaydi.

Ota-onalar va o‘quvchilar elektron kundalik qancha turishi, qanday qilib to‘lov o‘tkazish mumkinligi haqida kundalik.com orqali batafsil ma'lumot olishlari mumkin. Elektron kundalikni faqat www.kundalik.com veb-saytidan va ota-ona yoki o‘quvchi profilidan sotib olish mumkin. Ota-onalar yetarli ma'lumot olishlari uchun qo‘llab-quvvatlash xizmati +998 (78) 888-82-82 raqamiga qo‘ng‘iroq qilib yoki [email protected] elektron pochta manziliga murojaat qilishlari mumkin.