Eron tashqi ishlar vaziri O‘zbekistonga tashrif buyuradi

Eron tashqi ishlar vazirining O‘zbekistonga bo‘lajak tashrifi to‘g‘risida ma'lumot berildi.

2021 yilning 5 aprel kuni O‘zbekistonga Eron Islom Respublikasi tashqi ishlar vaziri Muhammad Javod Zarif boshchiligidagi delegatsiya tashrif buyuradi.

O‘zbekiston Tashqi ishlar vazirligi xabariga ko‘ra, bo‘lajak uchrashuvlar va muzokaralar davomida siyosiy, savdo-iqtisodiy, investitsiyaviy, transport-logistika va boshqa sohalardagi O‘zbekiston-Eron aloqalarining hozirgi holati va rivojlanish istiqbollarini muhokama qilish rejalashtirilgan.

Qayd etilishicha, tomonlarni qiziqtirgan mintaqaviy va xalqaro masalalar bo‘yicha ham fikr almashiladi.