Adliya vaziri o‘rinbosari fuqarolar savollariga javob beradi

Fuqarolar 2018 yil 13 iyun kuni soat 16:00ga qadar ta'lim qonunchiligiga doir masalalar bo‘yicha barcha savollarini Telegramdagi @tdyuubot manziliga yuborishlari mumkin. Kun davomida Adliya vazirligi mutaxassislari onlayn tarzda ta'lim sohasidagi savollarga javob berib borishadi. 

Soat 16:00da esa adliya vaziri o‘rinbosari — Toshkent davlat yuridik universiteti rektori Yesemurat Kanyazov “Adliya bilan muloqot/Dialog s yustitsiyey” sahifasi orqali onlayn-muloqotga chiqib, foydalanuvchilarning umumlashtirilgan va tasniflangan savollariga javob beradi. 

Savollar 80ta so‘zdan oshmasligi,  ta'lim sohasiga oid (maktabgacha, umumiy o‘rta, o‘rta-maxsus, oliy ta'lim, oliy ta'limdan keyingi ta'lim, nodavlat ta'lim muassasalari faoliyati va h.k) bo‘lishi lozim.