Buyuk Britaniya, Avstraliya va AQSh harbiylari Rossiyaning Yevropaga shartli bostirib kirishiga qarshi mashqlar o‘tkazdi 

U yerda Rossiyaning Yevropaga bostirib kirishiga taqlid qiluvchi Amerikaning «Project Convergence» harbiy mashg‘ulotlari o‘tkazildi, deb yozdi The Times. 

450 ga yaqin askar Kaliforniyadagi 1000 kvadrat mil maydonga ega bo‘lgan AQSh harbiy bazasida ikki haftalik mashg‘ulotda qatnashdi. 

Mashqlar davomida Britaniya, Amerika va Avstraliya qo‘shinlari Ukrainadagi urush tajribasidan kelib chiqqan holda yangi jangovar uslublarni qo‘llagan. 

Qayd etilishicha, mashg‘ulotlar Ukraina cho‘lining tekis relefiga o‘xshash ochiq landshaftlarda bo‘lib o‘tgan. 

Bundan tashqari, britaniyalik askarlar Ukraina Qurolli kuchlari taktikasini kuzatish natijasida o‘rgangan dron texnikasini sinovdan o‘tkazdi. 

«Project Convergence» - AQSh va xalqaro hamkorlar, jumladan, Buyuk Britaniya va Avstraliyaning qanday jang qilishini aniqlashga qaratilgan harbiy mashqlar. Mashqlar davomida ilg‘or tizim va texnologiyalar sinovdan o‘tkaziladi.