O‘zbekistonda tashqi razvedka va kontrrazvedka faoliyati alohida qonun bilan tartibga solinadi

Harakatlar strategiyasini “Ilm-ma'rifat va raqamli iqtisodiyotni rivojlantirish yili”da amalga oshirishga oid davlat dasturi loyihasi e'lon qilindi.

Qayd etilishicha, 2020 yil 1 iyulga qadar “Kontrrazvedkaviy faoliyat to‘g‘risida”gi O‘zbekiston Respublikasi qonuni loyihasi ishlab chiqiladi.

Loyihada:

kontrrazvedkaviy faoliyat sohasidagi asosiy tushunchalar, prinsiplar, vazifalar va huquqiy asoslarni belgilash;

kontrrazvedkaviy faoliyatni tashkil etish bo‘yicha tadbirlar, ma'lumotlarni yig‘ish va ulardan foydalanish tartibini joriy etish nazarda tutiladi.

 Mas'ullar - DXX, vazirlik va idoralar.

Shuningdek, 2020 yil 1 iyulgacha “Tashqi razvedka to‘g‘risida”gi O‘zbekiston Respublikasi qonuni loyihasini ishlab chiqiladi.

Loyihada:

tashqi razvedka sohasidagi asosiy tushunchalar, prinsiplar, vazifalar va huquqiy asoslarni belgilash;

tashqi razvedkani tashkil etish bo‘yicha tadbirlar, ma'lumotlarni yig‘ish va ulardan foydalanish tartibini joriy etish nazarda tutiladi.

Mas'ullar - DXX, vazirlik va idoralar.