Popda novvoylar nom tufayli janjallashishdi

"Sanjar patir" nomi ostida savdo qiluvchi S.Sh. shu hududda "Sanjar patir" nomi ostida savdo qilayotgan boshqa bir fuqaroni tadbirkorlik nomini o‘zlashtirib olganlikda ayblab, uning mol-mulkiga shikast yetkazgan.

Foto: Namangan viloyati IIB

Ijtimoiy tarmoqlarda Namangan viloyati Pop tumani «Qo‘shminor» mahallasi hududida patir non savdosi bilan shug‘ullanuvchi tadbirkorlar o‘rtasida bo‘lgan nizoli holatlar aks etgan videolar tarqaldi.

Namangan viloyati IIBning aniqlik kiritishicha, yuqorida ko‘rsatilgan hududda savdo qiluvchi Farg‘ona viloyati Dang‘ara tumanida yashovchi, "Sanjar patir" nomi ostida savdo qiluvchi S.Sh. shu hududda "Sanjar patir" nomi ostida savdo qilayotgan Dang‘ara tumanilik fuqaro X.A.ni tadbirkorlik nomini o‘zlashtirib olganlikda ayblab, uning mol-mulkiga shikast yetkazgan.

Tergovga qadar tekshiruvda barcha ishtirokchilarning shaxsiga aniqlik kiritilgan.

S.Sh.ga nisbatan MJtKning tegishli moddalari bilan hujjatlar rasmiylashtirilgan va jinoyat ishlari bo‘yicha Pop tuman sudiga yuborilgan.