Qoʻshimcha funksionallar
-
Tungi ko‘rinish
Soliq qo‘mitasi tadbirkorlardan katta miqdorda pul yechib olgan. Qo‘mita buni «texnik nosozlik» bilan izohladi
Davlat soliq qo‘mitasi elektron soliq xizmatlari portalidagi texnik nosozlik sabab soliq qarzdorligi paydo bo‘lishi, mablag‘ yechib olinishi kabi noto‘g‘ri ma’lumotlar aks etayotganini ma’lum qildi. Nosozlik bartaraf etilgach, barcha ma’lumotlar tiklanishi va noto‘g‘ri yechilgan mablag‘lar qaytarilishi aytilgan.
Ijtimoiy tarmoqlarda Davlat soliq qo‘mitasi tadbirkorlardan asossiz ravishda mablag‘lar yechib olingani haqidagi xabarlar paydo bo‘ldi.
«Bizdan 200 million atrofida noqonuniy pul yechib olishdi, o‘zim auditorman, hamma tashkilotlarda shu ahvol», – deb yozgan murojaatchilardan biri.
Davlat soliq qo‘mitasi elektron soliq xizmatlari (my3.soliq.uz) tizimida texnik nosozlik kuzatilayotganini ma’lum qildi.
Qo‘mita shu sababdan portalda solishtirma dalolatnoma bo‘yicha soliq qarzdorligi paydo bo‘lishi, mablag‘ yechib olinishi va boshqalar kabi vaqtincha noto‘g‘ri ma’lumotlar aks etishi mumkinligidan ogohlantirgan.
«Vaziyat nazoratga olingan. Hozirda mutaxassislar mazkur muammoni bartaraf etish ustida ishlamoqda. Nosozliklar bartaraf etilgach, barcha ma’lumotlar tiklanadi, noto‘g‘ri yechilgan mablag‘lar qaytariladi. Tushunganingiz uchun rahmat!» – deyiladi qo‘mita rasmiy munosabatida.
Mavzuga oid
18:23 / 21.10.2025
Oshkora “reyderlik”: Bosh prokuratura departamenti tadbirkorlarning milliardlab pullarini g‘ayriqonuniy tarzda ushlab turibdi
15:11 / 19.09.2025
Pokiston O‘zbekistonda 50 mln dollardan ziyod loyihalarni amalga oshiradi
18:58 / 13.08.2025
Texnik nosozlik sabab soliq to‘lovchilardan qariyb 400 mlrd so‘m yechib olingani ma’lum bo‘ldi
20:06 / 19.03.2025