13:29 / 06.07.2020
133540

Samarqandda «qizil» hudud qolmadi, Andijonda «sariq» hududlar ko‘paydi. O‘zbekistondagi hududlar toifasi yangilandi

O‘zbekistondagi tuman va shaharlar epidemiologik toifalari ro‘yxati yangilandi. Yangi ro‘yxat Sanitariya-epidemiologik osoyishtalik agentligi tomonidan e'lon qilindi.

Respublika maxsus komissiyasining 2020 yil 29 maydagi yig‘ilish bayonida belgilangan vazifalardan kelib chiqib, joriy yil 4 iyul holatiga Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan kiritilgan takliflar, bemorlarni butunlay sog‘ayishi hamda epidemik vaziyatni e'tiborga olgan holda, Sanitariya-epidemiologik osoyishtalik agentligi tomonidan tuman (shahar)larning toifalari o‘zgartirildi.

Ushbu toifalanishga ko‘ra, Respublikadagi 28ta tuman va shaharlar «Qizil» hududga, 57tasi «Sariq» hududga hamda 118ta tuman va shaharlar esa «Yashil» hudud toifasiga kiritildi.

Toshkent shahri bo‘yicha kasallik qayd etilgan har bitta tumanning 368ta «yashil», 73ta «sariq» va 72ta «qizil» mahalla, mavze va dahalar hududlari bo‘yicha karantin va profilaktik tadbirlar belgilandi.

Yangi ro‘yxatga ko‘ra, Samarqand viloyatida «qizil» hududlar qolmagan, Qoraqalpog‘iston Respublikasi va Jizzax va Sirdaryo viloyatlarida «qizil» hududlar soni ortgan, Qashqadaryoda «qizil» hududlar soni kamaygan, Andijon viloyatida «sariq» hududlar soni oshgan, Buxoro va Navoiyda holat o‘zgarishsiz qolgan, Farg‘ona to‘liq «yashil»ligicha, Toshkent shahri esa to‘liq «sariq»ligicha qolgan.

Qoraqalpog‘iston Respublikasi:
«Qizil» hudud: Nukus shahri, Qo‘ng‘irot tumani, Beruniy tumani;
«Sariq» hudud: Amudaryo tumani;
«Yashil» hudud: Qanliko‘l tumani, Qorao‘zak tumani, Kegeyli tumani, Mo‘ynoq tumani, Nukus tumani, To‘rtko‘l tumani, Chimboy tumani, Shumanay tumani, Ellikqal'a tumani, Taxiatosh tumani, Taxtako‘pir tumani, Bo‘zatov tumani, Xo‘jayli tumani.

Andijon viloyati:
«Sariq» hudud: Andijon shahri, Oltinko‘l tumani, Baliqchi tumani, Paxtaobod tumani;
«Yashil» hudud: Xonobod shahar, Bo‘z tumani, Buloqboshi tumani, Qo‘rg‘ontepa tumani, Marhamat tumani, Ulug‘nor tumani, Xo‘jaobod tumani, Jalaquduq tumani, Shahrixon tumani, Asaka tumani, Andijon tumani, Izboskan tumani.

Buxoro viloyati:
«Qizil» hudud: Vobkent tumani, G‘ijduvon tumani, Jondor tumani, Shofirkon tumani;
«Sariq» hudud: Buxoro shahri;
«Yashil» hudud: Buxoro tumani, Olot tumani, Kogon shahri, Qorako‘l tumani, Peshku tumani, Romitan tumani, Kogon tumani, Qorovulbozor tumani.

Jizzax viloyati:
«Qizil» hudud: Sharof Rashidov tumani, G‘allaorol tumani, Do‘stlik tumani;
«Yashil» hudud: Jizzax shahri, Arnasoy tumani, Baxmal tumani, Zomin tumani, Zarbdor tumani, Zafarobod tumani, Mirzacho‘l tumani, Paxtakor tumani, Forish tumani, Yangiobod tumani.

Qashqadaryo viloyati:
«Qizil» hudud: G‘uzor tumani;
«Sariq» hudud: Qarshi shahri, Qarshi tumani, Koson tumani, Chiroqchi tumani, Kitob tumani, Muborak tumani;
«Yashil» hudud: Shahrisabz shahri, Dehqonobod tumani, Qamashi tumani, Kasbi tumani, Mirishkor tumani, Nishon tumani, Shahrisabz tumani, Yakkabog‘ tumani.

Navoiy viloyati:
«Qizil» hudud: Zarafshon shahri;
«Sariq» hudud: Navoiy shahri;
«Yashil» hudud: Karmana tumani, Qiziltepa tumani, Navbahor tumani, Nurota tumani, Tomdi tumani, Konimex tumani, Uchquduq tumani, Xatirchi tumani.

Namangan viloyati:
«Qizil» hudud: Namangan shahri, Norin tumani, Pop tumani, Uychi tumani, Uchqo‘rg‘on tumani, Yangiqo‘rg‘on tumani;
«Sariq» hudud: Namangan tumani, To‘raqo‘rg‘on tumani, Chust tumani;
«Yashil» hudud: Chortoq tumani, Mingbuloq tumani, Kosonsoy tumani.

Sirdaryo viloyati:
«Qizil» hudud: Guliston shahri, Sayxunobod tumani;
«Sariq» hudud: Boyovut tumani, Xovos tumani, Guliston tumani;
«Yashil» hudud: Shirin shahri, Sirdaryo tumani, Mirzaobod tumani, Oqoltin tumani, Yangiyer shahar, Sardoba tumani.

Samarqand viloyati:
«Sariq» hudud: Samarqand shahri, Samarqand tumani, Payariq tumani, Toyloq tumani, Kattaqo‘rg‘on tumani, Urgut tumani, Narpay tumani;
«Yashil» hudud: Kattaqo‘rg‘on shahri, Qo‘shrabot tumani, Nurobod tumani, Bulung‘ur tumani, Paxtachi tumani, Past Darg‘om tumani, Ishtixon tumani, Oqdaryo tumani, Jomboy tumani.

Surxondaryo viloyati:
«Qizil» hudud: Muzrobod tumani;
«Sariq» hudud: Termiz shahri, Boysun tumani, Denov tumani, Jarqo‘rg‘on tumani, Qumqo‘rg‘on tumani, Sho‘rchi tumani;
«Yashil» hudud: Sariosiyo tumani, Termiz tumani, Angor tumani, Uzun tumani, Qiziriq tumani, Bandixon tumani, Oltinsoy tumani, Sherobod tumani.

Toshkent viloyati:
«Qizil» hudud: Chirchiq shahri, Bekobod tumani, Zangiota tumani, Qibray tumani, O‘rta Chirchiq tumani, Toshkent tumani;
«Sariq» hudud: Ohangaron shahri, Bekobod shahri, Yangiyo‘l shahri, Oqqo‘rg‘on tumani, Bo‘stonliq tumani, Parkent tumani, Piskent tumani, Chinoz tumani, Yuqori Chirchiq tumani, Yangiyo‘l tumani
«Yashil» hudud: Olmaliq shahri, Angren shahri, Nurafshon shahri, Ohangaron tumani, Bo‘ka tumani, Quyi Chirchiq tumani.

Xorazm viloyati:
«Qizil» hudud: Urganch shahri;
«Sariq» hudud: Xiva shahri, Urganch tumani, Xazorasp tumani, Xonqa tumani;
«Yashil» hudud: Tuproqqal'a tumani, Bog‘ot tumani, Qo‘shko‘pir tumani, Yangiariq tumani, Xiva tumani, Shovot tumani, Yangibozor tumani, Gurlan tumani.

Farg‘ona viloyati:
To‘liq «yashil» hudud.

Toshkent shahri:
To‘liq «sariq» hudud.

Eslatib o‘tamiz, O‘zbekistonda so‘nggi marta 26 iyun kuni «qizil», «sariq» va «yashil» toifadagi hududlar ro‘yxati yangilangandi.

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Mavzuga oid
Top