Turkiyada yuqori harorat tufayli yirik o‘rmon yong‘inlari – fotosuratlar

O‘rmonlar janubdagi Antalyada ham, shimoli-g‘arbdagi Bursada ham yonmoqda. Aholi evakuatsiya qilinmoqda.

Fotoda – mahalliy aholi vakillari va o‘t o‘chiruvchilar 2025 yil 27 iyulida Bursa viloyatining Gursu tumani hududidagi yong‘inni o‘chirishga urinishi aks etgan. Yong‘in o‘chog‘i 26 iyul kuni yo‘l yopilgani haqidagi bildirishnomalar bilan gugl-xaritada belgilangan. Foto: Onur Yursever / AFP / Scanpix / LETA

Jazirama harorat fonida Turkiyaning bir necha viloyatlarini o‘rmon yong‘inlari qamrab oldi.

Olov mamlakat janubidagi sayyohlar orasida mashhur bo‘lgan Antalyaga hamda shimoli-g‘arbda, Istanbul yaqinida joylashgan Bursa shahriga qadar yetib borgan. Antalya gubernatori Xulusi Shahin yong‘inlar «chindan ham xavotirli ekani, chunki shahar markazida, turar joylar orasidagi hududlar yonayotgani»ni aytib o‘tgan. Shaharning ayrim tumanlari aholisi evakuatsiya qilingan.

25 iyul kuni meteorologlar Turkiya janubi-sharqidagi Shirnoq viloyati hududida Tselsiy bo‘yicha 50,5 daraja haroratni qayd etishgan – bu mamlakat uchun tarixiy rekord hisoblanadi.

Issiq harorat mamlakat sharqida ham keng ko‘lamli o‘rmon yong‘inlarini keltirib chiqargan. Hududda 1,5 ming kishi xavfsiz joylarga evakuatsiya qilingan. Xabarlarga ko‘ra, yong‘inga kurash vaqtida kamida o‘n nafar o‘t o‘chiruvchi halok bo‘lgan.

Mahalliy OAV ma’lumotlariga ko‘ra, yong‘in kurort hududlariga yaqinlashmoqda. Meteorologlar Turkiyada 2 avgustgacha issiq va quruq ob-havo saqlanib qolishini prognoz qilmoqda.