Chet tili bo‘yicha sertifikatga ega abituriyentlarga maksimal ball beriladi

Test sinovlarida (kasbiy (ijodiy) imtihon) chet tili fani bo‘lgan barcha bakalavriat yo‘nalishlariga hujjat topshirgan va milliy yoki xalqaro sertifikatning qator darajalariga ega bo‘lgan abituriyentlarga ushbu fandan imtihonlarsiz maksimal ball beriladi.

“Huquqiy axborot” kanaliga ko‘ra:

• ingliz tili uchun – milliy sertifikat yoki International English Language Testing System (IELTS 5,5 (bunda TDYuU uchun writing'dan 5,5 ball), Test of English as a Foreign Language (TOEFL IBT 72), Cambridge Assessment English FCE, Cambridge Assessment English Linguaskill xalqaro imtihon tizimlari bo‘yicha tilni bilish darajalari B2 va undan yuqori;
• yapon tili uchun — milliy sertifikat yoki Japanese Language Proficiency Test (JLPT № 2) xalqaro imtihon tizimlari bo‘yicha tilni bilish darajalari B2 va undan yuqori;
• nemis tili uchun — milliy sertifikat yoki Goethe-Zertifikat, Deutsches Sprachdiplom (DSD), Test Deutsch als Fremdsprache (Test DAF) xalqaro imtihon tizimlari bo‘yicha tilni bilish darajalari B2 va undan yuqori;
• fransuz tili uchun — milliy sertifikat yoki Diplôme d’Etudes en Langue Française (DELF), Test de Connaissance du Française (TCF4) xalqaro imtihon tizimlari bo‘yicha tilni bilish darajalari B2 va undan yuqori;
• boshqa tillar uchun — milliy sertifikat yoki xalqaro imtihon tizimlari bo‘yicha tilni bilish darajalari V2 va undan yuqori.