DNK kompyuter tahlili kasalliklarni topishda yordam beradi

Olimlar tasarrufidagi bemorlarning genetik tahlili va kasalliklarning muntazam ravishda to‘ldirilib boriladigan ma'lumotlar bazasi natijalarining kompyuter tahlili aniq tashxis qo‘yish imkonini beradi, bu ayniqsa, noyob kasalliklarga taalluqli. Bu haqida Genetics in Medicine jurnali ma'lum qildi. 

Noyob genetik kasalliklar taxmin qilinadigan bemorlarning 75 foizi birinchi DNK tahlilidan keyin to‘g‘ri natija olishmaydi. Biroq genetik kasalliklarning ma'lumotlar bazasi tez o‘sib bormoqda. Olimlar har yili 250 shunday kasallikning sabablarini topishadi.

"Bizning tadqiqotimiz DNK test natijalarining qayta tahlil qilinishi katta foyda keltirishi mumkinligini ko‘rsatmoqda, axir muntazam ravishda kashfiyotlar qilinmoqda", - dedi tadqiqot mualliflaridan biri Stenford universiteti Tibbiyot maktabi pediatriya professori Jon Bernstayn. 

"Biroq bizda bunday tahlilni ilgarigi olimlar va tibbiyot xodimlariga o‘xshab qo‘lda o‘tkazish uchun yetarli kishilar yo‘q", - deya qo‘shimcha qildi tadqiqotning katta muallifi, Stenford universiteti ontogenetika, kompyuter fanlari va pediatriya professori Jil Bejyerano.

Tadqiqot davomida olimlar genomlarni avtomatik taqqoslash genetik kasalliklarni topishga yordam beradimi yoki yo‘q - tekshirib chiqishdi va "texnologiya unga qo‘yilgan vazifani muvaffaqiyatli bajarmoqda" degan xulosaga kelishdi.