«Toshshahartransxizmat»ning barcha avtobuslari «tonirovka» qilinadi
Yo‘lovchilarga qulaylik yaratish, avtobus salonini sovitishda sarflanayotgan yonilg‘i va elektrni iqtisod qilish maqsadida Toshkentdagi tabiiy gaz va elektrda harakatlanadigan avtobuslarning yon oynalarini qoraytirishga ruxsat berildi.
Toshkent shahrida yon oynalari qoraytirilgan avtobuslar harakatlanmoqda. Kun.uz «tonirovka»li avtobuslar bo‘yicha «Toshshahartransxizmat» matbuot xizmatidan izoh so‘radi.
Ma’lum qilinishicha, yo‘lovchilarga qulaylik yaratish, avtobus salonini sovitishda sarflanayotgan yonilg‘i va elektrni iqtisod qilish uchun tashkilot tasarrufidagi barcha avtobuslarning yon oynalari bepul qoraytirilishiga ruxsat berilgan.
Ta’kidlanishicha, bu jarayonda Ichki ishlar vazirligi Jamoat xavfsizligi departamenti Yo‘l harakati xavfsizligi xizmati hisobidagi 144,4 ming kvadrat metr plyonkalar «Toshshahartransxizmat»ga taqdim etiladi.
Qayd etilishicha, avtobuslarni «tonirovka»lash prezidentning shu yil may oyida Chilonzor tumaniga qilgan tashrifi yakunlari bo‘yicha berilgan topshiriqlar bayonining 37-bandiga asosan amalga oshirilmoqda.
Eslatib o‘tamiz, avvalroq Kun.uz shaharda harakatlanuvchi barcha avtobuslarning yon oynalarini qoraytirishga rucxsat berilishi, shunda ham bu bepul bo‘lishi kerakligiga etibor qaratgan edi.
Mavzuga oid
13:45 / 09.10.2024
Buxoroda bolalar o‘limiga sababchi bo‘lgan avtobus haydovchisiga hukm o‘qildi
23:19 / 01.10.2024
Tailandda 40 ga yaqin o‘quvchi va o‘qituvchilarni olib ketayotgan avtobus yonib ketdi. Kamida 20 kishi halok bo‘lgani aytilmoqda
18:36 / 26.09.2024
Toshkentda 63 yoshli erkak avtobusda vafot etdi
15:54 / 25.09.2024