«Toshshahartransxizmat» AJ axborot xizmati zarurat bo‘lmaganda shaxsiy avtomobillarda, ayniqsa qishga mo‘ljallangan shinalarga ega bo‘lmagan transport vositalarida harakatlanmaslikni, tezlik talablariga qat’iy amal qilishni hamda tirbandliklar oldini olish maqsadida jamoat transportlaridan foydalanishni tavsiya etdi. Piyodalardan esa yo‘lni kesib o‘tishda o‘ta hushyor bo‘lish so‘raldi.
Shuningdek, noqulay ob-havo sharoiti sabab ayrim avtobus yo‘nalishlarida qatnov va oraliq interval vaqtlarining belgilangan vaqtlardan ortishi holatlari yuzaga kelishi mumkinligi ma’lum qilindi.
