Saudiyada Qurbon hayiti sanasi e’lon qilindi

Saudiya Arabistoni rasmiylari chorshanba kuni Zulhijja oyining hiloli ko‘ringanini ma’lum qildi. Unga ko‘ra, Saudiya Arabistonida Qurbon hayiti 27 mayga to‘g‘ri kelishi e’lon qilindi.

Qayd etilishicha:

18 may, dushanba — Zulhijja oyining birinchi kuni;

26 may, seshanba — Arafa kuni;

27 may, chorshanba — Qurbon hayiti.

O‘zbekiston Musulmonlari idorasining Kun.uz'ga ma’lum qilishicha, O‘zbekistonda kuzatish xulosalari va o‘rganishlar natijalari taqdim etiladi, shundan keyin bayram sanasi bo‘yicha qaror qabul qilinadi.

O‘zbekistonda hayit munosabati bilan ketma-ket 5 kun dam bo‘ladi.