Bugun, 16 oktabr kuni O‘zbekiston poytaxti Toshkent shahrida qor yog‘di.
«Kun.uz» fotomuxbiri Toshkentdagi birinchi qor manzaralarini obektivga muhrladi.
7 oktabr kuni O‘zbekistonda ilk qor yoqqan, Jizzax viloyatining Zomin tumanidagi tog‘li hududlarda, Qamchiq va Taxti Qoracha dovonlarida qor yog‘ishi kuzatilgan edi.
15 oktabr kuni O‘zbekistonning shimoli-g‘arbiga Uraldan sovuq havo oqimlari kirib keldi. «O‘zgidromet» markazining ma'lumotiga ko‘ra, sovuq havo oqimlari respublikamiz hududida uzoq hukmronlik qilmaydi, keyingi haftada havo harorati iliy boshlaydi.