Hazorasp tumani istirohat bog‘i yangi qiyofada ochildi

19 oktabr kuni bo‘lib o‘tgan tantanali tadbirda Hazorasp tuman hokimi O‘ktam Masharipov, Xorazm viloyati hokimi o‘rinbosari San'at Salayev, mehnat faxriylari va boshqa mehmonlar, yoshlar ishtirok etishdi.

Shaharcha markazidagi «Yoshlar bog‘i» mahalliy budjet mablag‘lari va homiylar ko‘magi bilan qayta ta'mirlandi. Darvozasi yangicha ko‘rinish oldi, ustiga elektron tablo o‘rnatildi. Piyodalar yo‘laklari barpo etilib, favvora ta'mirlandi. 

Turli tomoshalar uchun mo‘ljallangan mo‘'jaz amfiteatr barpo etildi. Shuningdek, ko‘plab karusel va attraksionlar o‘rnatildi

Tantanali tadbir san'atkorlarning kuy-qo‘shiqlari, harbiylarning ko‘rgazmali mashg‘ulotlarini o‘z ichiga olgan tomosha bilan yakunlandi.