Alimentda rekord: ayol 3 nafar farzandi ta’minoti uchun sobiq eriga 1,7 mlrd so‘m to‘ladi
Toshkent viloyatida ayol farzandlari uchun 18 yoshgacha to‘lanishi kerak bo‘lgan alimentni birdan to‘lab berdi.
Toshkent viloyatida aliment to‘lash bilan bog‘liq rekord qayd etildi, deb Kun.uz’ga xabar berdi Majburiy ijro byurosi.
Ta’kidlanishicha, Toshkent tumanida ayol 3, 4 va 6 yoshli farzandlari ta’minoti uchun 18 yoshgacha bo‘lgan aliment qarzdorligini to‘lash istagini bildirgan. Boisi ayol davolanish uchun chet elga chiqishi kerak bo‘lgan. Alimentdan qarzdorligi va shu sababli MIB taqiqi bo‘lgani uchun ayol davolanishga keta olmayotgan bo‘lgan.
Uch nafar farzand uchun 2039 yilgacha aliment to‘lovi 1 mlrd 748 mln 902 so‘m etib hisoblangan va ushbu summa undiruvchiga topshirilgan.
Bundan avvalroq buxorolik erkak ikki sobiq xotiniga farzandlari ta’minoti uchun 810 mln so‘mdan ortiq alimentni to‘lab bergani xabar qilingandi.
Mavzuga oid
13:14 / 12.09.2024
Toshkent viloyatidan yana 14 ta mahalla qisman Yangi Toshkent hududiga o‘tkazilmoqda
15:48 / 10.09.2024
Toshkent viloyatidagi bo‘yoq zavodida yong‘in chiqdi
10:36 / 06.09.2024
«Har bir xodimga kuniga 20 tagacha protokol» – Toshkent viloyatida YHXX xodimlariga majburiy «plan» qo‘yilmoqda
21:19 / 05.09.2024