Qoraqalpog‘iston musulmonlari qoziyati qozisi: “Tinchlikning qadriga yetish – har birimizning vazifamiz”
Qoraqalpog‘iston musulmonlari qoziyati qozisi Shamsuddin Bahauddinov videomurojaat bilan chiqib, aholini provokatsiyaga berilmaslikka va tinchlikning qadriga yetishga chaqirdi.
“Payg‘ambarimiz Muhammad mustafo sollolohu alayhi vasallam o‘z muborak hadislarida: “Ikki ne’mat bor. Bu ikki ne’matning qadriga ko‘pchilik yetmaydi. Birinchisi – tan salomatligi bo‘lsa, ikkinchisi – tinchlik ne’matidir”, dedilar.
Azizlar, 1-2 kundan beri elimizda bo‘lib turgan voqealardan hammamizning xabarimiz bor. Shu maqsadda bugun hurmatli prezidentimiz Nukusga kelib, xalqimizning tilak-istaklarini eshitdi hamda bugungi kunda norozilik uyg‘otayotgan ba’zi bir masalalarga oydinlik kiritdi”, – dedi qozi.
Shamsuddin Bahauddinov davlat rahbari O‘zbekiston Konstitutsiyasining 17-bobida ko‘rsatilgan Qoraqalpog‘iston Respublikasiga tegishli moddalar o‘zgarishsiz qolishini ma’lum qilgani, bu esa xalqning fikri inobatga olinganini bildirishini ta’kidladi.
“Azizlar, tinchlik – bu juda ulkan, bebaho ne’mat. Uning qadriga yetish har birimizning vazifamiz. Tinchlikni saqlash, uning qadriga yetish payg‘ambar alayhissalom muborak hadislarida aytganlariday, shu yurtda yashayotgan har bir fuqaroning, mo‘min-muslimalarning minnatli vazifalaridan”, dedi u.
Mavzuga oid
![](https://storage.kun.uz/source/thumbnails/_medium/10/rZL0o5ly_uVZs-8oc8zona6AlzvorsrB_medium.jpg)
07:40 / 17.07.2024
O‘zbekistonda shoir Ajiniyoz Qo‘siboy o‘g‘li tavalludining 200 yilligi keng nishonlanadi
![](https://storage.kun.uz/source/thumbnails/_medium/10/-7Brln32L5nCJp3m0tDzT0ZlfyZYBG2Y_medium.jpg)
10:26 / 02.07.2024
Qoraqalpog‘istonda 15 mlrd so‘mlik davlat xaridlarini amalga oshirishda qonun talablari buzilgan – Raqobat qo‘mitasi
![](https://storage.kun.uz/source/thumbnails/_medium/10/FtOasRaTgmg5x_FMwRxYD4P07JmcsUt9_medium.jpg)
12:31 / 01.07.2024
Uchta hududda xorijiy davlatlarga ishga yuborishni va’da qilgan shaxslar ushlandi
![](https://storage.kun.uz/source/thumbnails/_medium/10/Qze4ZpxIlQDWhV0PEY0GDA5rhVMfCUb9_medium.jpg)
08:27 / 20.06.2024