Ko‘chmas mulkning kadastr qiymatini onlayn rejimda bilish mumkin

Toshkent shahridagi Yer resurslari va davlat kadastri boshqarmasi onlayn xizmatni ishga tushirdi, u jismoniy shaxslarga tegishli bo‘lgan ko‘chmas mulkning kadastr qiymatini aniqlash imkonini beradi.

Xizmat Odnookno.uz saytida taqdim etilgan. Narxni aniqlash uchun ko‘chmas mulk turi (kvartira, yakka tartibdagi uy, noturar obekt) va kadastr raqamini ko‘rsatish kerak.

Eslatib o‘tamiz, O‘zbekistonda 2018 yildan boshlab jismoniy shaxslar mol-mulkiga soliq ko‘chmas mulkning kadastr qiymatidan kelib chiqqan holda hisoblanadi.

Soliq stavkasi ko‘chmas mulk kadastr qiymatining 0,2% miqdorida belgilanadi.