Shaxmat bo‘yicha jahon chempionati O‘zbekistonda o‘tkaziladi

«O‘zbekistonning qadimiy shahri Samarqand 26-30 dekabr kunlari FIDE tomonidan o‘tkaziladigan tezkor shaxmat – rapid va blits bo‘yicha 2023 yilgi jahon chempionatiga mezbonlik qiladi.

Besh kun davom etadigan ushbu turnirda jahonning eng yaxshi shaxmatchilari rapid va blits bo‘yicha jahon chempioni unvoni uchun kurashadi.

«FIDE O‘zbekistonning shaxmat bo‘yicha boy an’analarini qadrlaydi va bu mamlakatning shaxmat bo‘yicha yetakchiga aylanayotganini e’tirof etadi. Shaxmatga bo‘lgan e’tibor bizni ushbu nufuzli musobaqani o‘tkazishni O‘zbekistonga ishonib topshirishimizga sabab bo‘ldi», - deydi Butunjahon shaxmat federatsiyasi prezidenti Arkadiy Dvorkovich.

FIDE is pleased to announce the dates and venue for the World Rapid and Blitz Championships 2023! ⏩ ⚡️ #RapidBlitz

The ancient city of 🇺🇿 Samarkand, Uzbekistan, is set to host the 2023 FIDE World Rapid and Blitz Championships from December 26 to 30.

♟️ This five-day tournament… pic.twitter.com/YbwVj9qzJv

— International Chess Federation (@FIDE_chess) November 8, 2023

«2026 yilgi shaxmat olimpiadasiga ham O‘zbekiston mezbonlik qiladi. Tezkor shaxmat bo‘yicha jahon chempionati mezbonligi ham ushbu yirik musobaqa tayyorgarligiga katta turtki bo‘ladi», - deya Dvorkovichning so‘zlarini keltirgan FIDe matbuot xizmati.

Eslatib o‘tamiz, O‘zbekiston 2022 yilning eng yaxshi shaxmat mamlakati deb e’lon qilinib, Nodirbek Abdusattorov hamda Javohir Sindorov «Tour D'or» - «Oltin minora» sovrinini qabul qilib olishgandi.