UzAuto Motors’ning Qozog‘iston bozoridagi sotuvi keskin qisqardi
2024 yilning 4 oyida Qozog‘istonda Chevrolet brendi ostidagi avtomobillar sotuvi 3 barobarga kamaydi. Qozog‘iston UzAuto Motors’ning eng katta eksport bozori hisoblanadi.
Joriy yil aprel oyida Qozog‘istonda Chevrolet brendi ostida 1477 dona avtomobil sotilgan. Bu o‘tgan yilning mos davriga nisbatan 2,7 barobarga kam.
2024 yilning yanvar-aprel oylaridagi umumiy ko‘rsatkich esa 4 814 donani tashkil etgan. Taqqoslash uchun, o‘tgan yilning dastlabki 4 oyi davomida qo‘shni respublikada 14 336 ta Chevrolet avtomobili xarid qilingan.
Ma’lumot uchun, Qozog‘iston UzAuto Motors’ning eng katta eksport bozori hisoblanadi. O‘tgan yil davomida o‘zbekistonliklar uchun hamyonbop avtomobillarga kontraktatsiya yopiq bo‘lgan paytda ham, qozog‘istonliklarga chegirmalar bilan yoki bo‘lib to‘lab olib chiqib ketish shartlari asosida ham mashina yetkazib berilgan edi. Kompaniya o‘z rasmiy sahifalarida “Chevrolet Qozog‘iston bozorida liderlikda davom etadi” sarlavhasi bilan xabarlar ham joylashtirgandi. Joriy yilda ushbu liderlik Hyundai va Kia’ga boy berilgan.
Mavzuga oid
21:48 / 28.10.2024
Qirg‘iziston qo‘shni davlatlarga qancha suv berayotganini e’lon qildi
10:10 / 27.10.2024
Migratsiya agentligi Qozog‘istondagi O‘zbekiston fuqarolarini ogohlikka chaqirdi
22:52 / 25.10.2024
Qozog‘iston va O‘zbekiston Orol dengizini qutqarishda hamkorlik qiladi
19:04 / 24.10.2024