Poytaxtda balandligi 57 metr bo‘lgan O‘zbekiston bayrog‘i o‘rnatiladi

Bugun, 20 mart kuni soat 15:00 da Toshkent shahridagi Mirzo Ulug‘bek va Maxtumquli ko‘chalari kesishmasida balandligi 57 metr bo‘lgan O‘zbekiston Respublikasining Davlat bayrog‘i o‘rnatiladi-, deya xabar bermoqda Toshkent shahar hokimligi Matbuot xizmati.

Mazkur hududda bahoriy ayyom – Navro‘z munosabati bilan “Navro‘z” nomli sayilgoh ochiladi va musiqali favvora ham ishga tushiriladi. Tadbirda Toshkent shahar hokimi Jahongir Ortiqxo‘jayev ishtirok etishi kutilmoqda.

Eslatib o‘tamiz, shu kunga qadar baland bayroqlar respublikamizning turli nuqtalarida o‘rnatildi. Jumladan, o‘tgan yilning 7 dekabr kuni tunda Samarqand shahrining Ko‘ksaroy maydoni uzra o‘rnatilgan ulkan flagshtokda O‘zbekiston Respublikasining davlat bayrog‘i hilpiray boshlagan. Flagshtokning balandligi 60 metrni tashkil etadi.