Moskvada noqulay ob-havo hukm surmoqda

Rossiya poytaxti Moskva shahriga yog‘ayotgan qor qalinligi 15-18 smga yetmoqda, deb xabar qilgan «Meteonovosti».

Qayd etilishicha, bu ushbu davrga oid odatdagi ko‘rsatkichdan 5 marta ko‘p demakdir. Sinoptiklarning ma'lumotlariga ko‘ra, noyabr oyining birinchi o‘n kunligi oxirida Moskvadagi qor qalinligi 20 smdan oshadi. Bu esa, so‘nggi 70 yillik meteokuzatuvlar tarixidagi eng yuqori natija bo‘ladi. 

Noqulay ob-havo sababli poytaxtning Sheremetevo va Domodedovo aeroportlarida 50dan ortiq reys to‘xtatilgan, deb xabar qilgan «Yandeks.Raspisaniye». Bundan tashqari, 34ta aviaparvoz bekor qilingan. 

Avval xabar qilinganidek, Moskvada bir kun ichida 562 YTH yuz bergan.